"Арсенал"нинг янги футболчиси Жоржиньо "Челси"дан ўтгани ҳақида фикр билдирди.
"Канонирлар" қишки трансфер ойнасининг сўнгги кунида 31 ёшли ярим ҳимоячининг трансферини якунлашди. "Челси" италиялик футболчини сотишдан тахминан 13,6 миллион евро ишлаб олди.
"Биламан, Микель Артета ўтмишда имзо чекиш учун бир неча бор уриниб кўрган. Бу менинг хоҳишимга кўра эмас, балки бошқа сабабларга кўра амалга ошмай қолганди. Шуни инобатга оладиган бўлсак, "Арсенал"га ўтишимга, албатта, мураббийнинг ҳиссаси катта.
Тўғрисини айтсам, янги жамоада ўйнашни сабрсизлик билан кутяпман. Мен бу чақириқдан жуда руҳландим. Ҳаммаси тез ва кутилмаганда содир бўлди, мен имкониятдан фойдаланганимдан хурсанд бўлдим", - деди Жоржиньо Sky Sports билан суҳбатда.
