Gana terma jamoasining taniqli hujumchisi Andre Ayyu Angliya chempionatidan ikkita jamoaga taklif etildi.
33 yoshli futbolchi Qatarning “As-Sadd” klubi bilan shartnoma bekor qilinganidan keyin erkin agent hisoblanadi. Sky Sports xabariga ko‘ra, sobiq "Vest Xem" va "Suonsi" futbolchisining agentlari Tumanli Albionda o‘z mijoziga qayta ish topish niyatida. Andrening xizmatlari allaqachon "Everton" va "Nottingem Forest" klublariga taklif qilingan, ammo "O‘rmonchilar" muzokara jarayoniga kirishishlari dargumon, chunki ular o‘z tarkibini 100% to‘liq deb hisoblashadi.
Andre Ayyu Angliya Premyer-ligasida jami 89 ta o‘yinda maydonga tushgan. Uning 21 ta goli va 12 ta samarali uzatmasi hisobiga. Ayyu 2022 yilgi jahon chempionatida terma jamoasi tarkibida ishtirok etgan.