Гана терма жамоасининг таниқли ҳужумчиси Андре Айю Англия чемпионатидан иккита жамоага таклиф этилди.
33 ёшли футболчи Қатарнинг “Ас-Садд” клуби билан шартнома бекор қилинганидан кейин эркин агент ҳисобланади. Sky Sports хабарига кўра, собиқ "Вест Хэм" ва "Суонси" футболчисининг агентлари Туманли Албионда ўз мижозига қайта иш топиш ниятида. Андренинг хизматлари аллақачон "Эвертон" ва "Ноттингем Форест" клубларига таклиф қилинган, аммо "Ўрмончилар" музокара жараёнига киришишлари даргумон, чунки улар ўз таркибини 100% тўлиқ деб ҳисоблашади.
Андре Айю Англия Премьер-лигасида жами 89 та ўйинда майдонга тушган. Унинг 21 та голи ва 12 та самарали узатмаси ҳисобига. Айю 2022 йилги жаҳон чемпионатида терма жамоаси таркибида иштирок этган.
