Ispaniya La Ligasi prezidenti Xavyer Tebas ingliz klublarining qishki transfer bozoridagi jiddiy mablag‘lari haqida gapirdi.
«Britaniya bozorida umuman qonunlarga rioya qilishmayapti. Buni so‘nggi qishki transfer oynasida yaqqol ko‘rishingiz mumkin.
«Chelsi» Premyer-liga klublarining transferlar uchun sarflagan pullarining deyarli yarmicha xarajat qilib ulgurdi. Biroq har bir ligada nazorat bo‘lishi kerak», - dedi Tebas ijtimoiy tarmoqda.
Eslatib o‘tamiz, «Chelsi» qishki transferlar uchun deyarli 330 million yevro sarflagan. Grem Potter jamoasi hozirda Premyer-liga turnir jadvalida 10-o‘rinda bormoqda.
