Braziliyalik himoyachi Tiago Silva Londonning “Chelsi” klubi rahbariyati bilan yangi mehnat shartnomasi borasida muzokaralar olib borayotganini tasdiqladi. Tomonlar o‘rtasidagi amaldagi shartnoma 2023 yilning yozida yakuniga yetadi.
“Muzokaralar olib borilmoqda, yaqin orada hammasi ma’lum bo‘ladi. “Chelsi” bilan hamkorlikni davom ettirmoqchimiz. Klub mening yordamimga muhtoj. Men esa jamoaga tajribam bilan yordam berish uchun keldim. Oldinda bizni juda ko‘p ish kutmoqda", - deya xabar beradi ESPN 38 yoshli braziliyalikning so‘zlarini.
Tiago Angliya Premyer-ligasining joriy mavsumida 18 ta o‘yinda maydonga tushib, 2 ta golli uzatmani amalga oshirdi va bitta sariq kartochka oldi.
