Бразилиялик ҳимоячи Тиаго Силва Лондоннинг “Челси” клуби раҳбарияти билан янги меҳнат шартномаси борасида музокаралар олиб бораётганини тасдиқлади. Томонлар ўртасидаги амалдаги шартнома 2023 йилнинг ёзида якунига етади.

“Музокаралар олиб борилмоқда, яқин орада ҳаммаси маълум бўлади. “Челси” билан ҳамкорликни давом эттирмоқчимиз. Клуб менинг ёрдамимга муҳтож. Мен эса жамоага тажрибам билан ёрдам бериш учун келдим. Олдинда бизни жуда кўп иш кутмоқда", - дея хабар беради ESPN 38 ёшли бразилияликнинг сўзларини.

Тиаго Англия Премьер-лигасининг жорий мавсумида 18 та ўйинда майдонга тушиб, 2 та голли узатмани амалга оширди ва битта сариқ карточка олди.