Dortmundning "Borussiya" klubi yarim himoyachisi Jud Bellingemning oilasi futbolchiga "Real"ga o‘tishni maslahat bermayapti. Angliyalik futbolchining ota-onasi unga Tumanli Albionga qaytishni va Premyer-liga klubi bilan shartnoma imzolashni maslahat berishmoqda.
Eslatib o‘tamiz, 19 yoshli Bellingem avvalroq "Birmingem" safida o‘z uyida to‘p tepgan va hozirgacha klub tarixidagi eng yosh debyutant hisoblanadi. Futbolchiga Angliyada "Manchester Siti", "Liverpul" va "Manchester Yunayted" klublari qiziqish bildirmoqda.
Bellingemning ota-onasining pozisiyasi shundaki, u 19 yoshida "Real Madrid"da o‘ynashga hali erta. Ularning fikricha, bunday klubda o‘ynashdan oldin u ko‘proq tajriba orttirishi kerak.
