Qishki transfer oynasida «Bavariya»dan «Manchester Yunayted»ga o‘tgan avstriyalik yarim himoyachi Marsel Zabitser o‘zining transferi haqida gapirdi.

«Bu jamoa uchun hamma narsani berishga tayyorman. «Yunayted»ga sovrinlar uchun kelganman. Jamoa muxlislari mendan juda ko‘p ajoyib harakatlar kutishlari mumkin», - deya yarim himoyachining so‘zlaridan iqtibos keltiradi klub matbuot xizmati.

«Qizil iblislar» Zabitserni joriy mavsum oxirigacha ijaraga oldi. U jamoada jarohat olgan Kristian Eriksenning o‘rnini egallash niyatida.

Avstriyalik futbolchi joriy mavsum «Bavariya» safida 15 ta o‘yinda maydonga tushib, 1 ta gol va 1 ta golli uzatmaga mualliflik qilgan.