Қишки трансфер ойнасида «Бавария»дан «Манчестер Юнайтед»га ўтган австриялик ярим ҳимоячи Марсель Забитцер ўзининг трансфери ҳақида гапирди.

«Бу жамоа учун ҳамма нарсани беришга тайёрман. «Юнайтед»га совринлар учун келганман. Жамоа мухлислари мендан жуда кўп ажойиб ҳаракатлар кутишлари мумкин», - дея ярим ҳимоячининг сўзларидан иқтибос келтиради клуб матбуот хизмати.

«Қизил иблислар» Забитцерни жорий мавсум охиригача ижарага олди. У жамоада жароҳат олган Кристиан Эриксеннинг ўрнини эгаллаш ниятида.

Австриялик футболчи жорий мавсум «Бавария» сафида 15 та ўйинда майдонга тушиб, 1 та гол ва 1 та голли узатмага муаллифлик қилган.