"Brayton"ni italiyalik Roberto De Zerbi boshqarishni boshlaganidan keyin Premyer-ligada 26 ta gol urdi. Bu ko‘rsatkich bo‘yicha “chaykalar” Mikel Artetaning 28 ta gol urgan “Arsenal” jamoasi va raqiblar darvozasiga 30 marta aniq zarba bergan Xosep Gvardiolaning “Manchester Siti” jamoasidan keyin uchinchi o‘rinda bormoqda. Bu haqda Premyer-liganing rasmiy Twitteri xabar bermoqda.
43 yoshli De Zerbi 18 sentyabr kuni ingliz klubi bosh murabbiy etib tayinlangan edi. Premyer-liganing 13 o‘yinida "Brayton" De Zerbi qo‘l ostida beshta g‘alaba qozongan, uchta durang va beshta mag‘lubiyatga uchragan.
"Brayton" 19 o‘yindan keyin 31 ochko bilan APL turnir jadvalida 7-o‘rinda bormoqda.