"Брайтон"ни италиялик Роберто Де Зерби бошқаришни бошлаганидан кейин Премьер-лигада 26 та гол урди. Бу кўрсаткич бўйича “чайкалар” Микел Артетанинг 28 та гол урган “Арсенал” жамоаси ва рақиблар дарвозасига 30 марта аниқ зарба берган Хосеп Гвардиоланинг “Манчестер Сити” жамоасидан кейин учинчи ўринда бормоқда. Бу ҳақда Премьер-лиганинг расмий Twitterи хабар бермоқда.
43 ёшли Де Зерби 18 сентябрь куни инглиз клуби бош мураббий этиб тайинланган эди. Премьер-лиганинг 13 ўйинида "Брайтон" Де Зерби қўл остида бешта ғалаба қозонган, учта дуранг ва бешта мағлубиятга учраган.
"Брайтон" 19 ўйиндан кейин 31 очко билан АПЛ турнир жадвалида 7-ўринда бормоқда.
