«Napoli» sardori Jovanni di Lorenso jamoasining joriy mavsumdagi muvaffaqiyati haqida fikr bildirdi.
Neapolliklar A Seriya turnir jadvalida 53 ochko jamg‘argan holda peshqadamlik qilmoqda va eng yaqin ta’qibchisini 13 ochkoga ortda qoldirmoqda.
«Mavsumning birinchi yarmi juda yaxshi o‘tishini tasavvur qilish qiyin edi. Biz yozda boshlangan va kundan-kunga ajoyib davom etayotgan ishni olib boryapmiz.
Kiyinish xonasidagi muhit yaxshi – hamma ilhomlanib, kurashga intiladi. Har bir o‘yinda o‘zimizga bo‘lgan ishonch ortib bordi va endi to‘xtamasdan, xuddi shu ruhda davom etishimiz kerak», — deya himoyachining so‘zlaridan iqtibos keltiradi jurnalist Alfredo Pedulla.
