«Наполи» сардори Жованни ди Лоренцо жамоасининг жорий мавсумдаги муваффақияти ҳақида фикр билдирди.
Неаполликлар А Серия турнир жадвалида 53 очко жамғарган ҳолда пешқадамлик қилмоқда ва энг яқин таъқибчисини 13 очкога ортда қолдирмоқда.
«Мавсумнинг биринчи ярми жуда яхши ўтишини тасаввур қилиш қийин эди. Биз ёзда бошланган ва кундан-кунга ажойиб давом этаётган ишни олиб боряпмиз.
Кийиниш хонасидаги муҳит яхши – ҳамма илҳомланиб, курашга интилади. Ҳар бир ўйинда ўзимизга бўлган ишонч ортиб борди ва энди тўхтамасдан, худди шу руҳда давом этишимиз керак», — дея ҳимоячининг сўзларидан иқтибос келтиради журналист Алфредо Педулла.
