«Tottenxem» himoyachisi Kristian Romero Argentina terma jamoasining jahon chempionatidagi muvaffaqiyatidan haligacha hayratda ekanligini tan oldi.
Eslatib o‘tamiz, Romero Argentina terma jamoasining Qatardagi jahon chempionatida asosiy o‘yinchisi bo‘lgan.
Fransiyaga qarshi final uchrashuvida (Argentina 3:3 hisobidagi durangdan so‘ng penaltilar seriyasida g‘alaba qozondi) to‘liq 120 daqiqani maydonda o‘tkazdi.
«Men hali ham Fransiyaga qarshi finalimizni muntazam kuzataman. O‘ylaymanki, terma jamoamiz jahon chempionatida g‘alaba qozonishga loyiq edi», — dedi Romero.
Eslatib o‘tamiz, Argentina terma jamoasi 1986 yildan beri ilk bor jahon chempioni bo‘lgandi.
