«Liverpul»ning sobiq himoyachisi Jeymi Karrager nemis mutaxassisi Yurgen Klopp haqida gapirdi.
«Kloppni iste’foga chiqarishdan oldin, klubdagi barchani o‘zgartirgan bo‘lardim. Yurgen kelguniga qadar jamoa Premyer-ligada oltinchi yoki yettinchi o‘rinda edi.
U o‘z faoliyati bilan «Liverpul»ni so‘nggi yillardagi kuchli darajasiga olib chiqdi. Men Klopp buni yana qilishini istayman», - dedi Karrager.
Eslatib o‘tamiz, oxirgi o‘yinda «Liverpul» «Vulverxempton»ga yirik 0:3 hisobida mag‘lub bo‘ldi. 20 ta o‘yindan so‘ng Klopp shogirdlari 29 ochko bilan turnir jadvalida bor-yo‘g‘i o‘ninchi o‘rinda bormoqda.
