"Chelsi" va "Liverpul" yozda "Atletik Bilbao"ning ispaniyalik yarim himoyachisi Oyan Sansetni qo‘lga kiritish uchun kurashmoqda, deya xabar beradi CaughtOffside.
Ikkala klub ham kuchliroq yarim himoya chizig‘iga juda muhtoj va yozgi transfer oynasi uchun futbolchini maqsad qilib ko‘rmoqda.
Yanvar oyida Londonning "Chelsi" jamoasini Jorjinyo tark etdi. U "Arsenal" bilan shartnoma imzoladi. Bundan tashqari, klubda boshqa yarim himoyachilarning uzoq muddatli kelajagi borasida hamon noaniqlik borligi xabar qilingan. Ular orasida NGolo Kante, Ruben Loftus-CHik va Konor Gallaxer kabilar bor.
O‘z navbatida "Liverpul" ham mavsum davomida o‘yinlari ko‘p marotaba savollar tug‘dirgan yarim himoya chizig‘ini kuchaytirmoqchi. Bundan tashqari, klubning uch nafar yarim himoyachisi – Nebi Keyta, Aleks Oksleyd-CHemberlen va Jeyms Milnerning shartnomalari yozda tugaydi.
22 yoshli Oyan Sanset joriy mavsumda Bilbaoning "Atletik" klubining asosiy o‘yinchisiga aylangan. Ayni damda ispaniyalik yarim himoyachi La Liganing 20ta uchrashuvida 7ta gol urdi va bitta golli uzatmani amalga oshirdi.
