"Челси" ва "Ливерпуль" ёзда "Атлетик Бильбао"нинг испаниялик ярим ҳимоячиси Ойан Сансетни қўлга киритиш учун курашмоқда, дея хабар беради CaughtOffside.
Иккала клуб ҳам кучлироқ ярим ҳимоя чизиғига жуда муҳтож ва ёзги трансфер ойнаси учун футболчини мақсад қилиб кўрмоқда.
Январь ойида Лондоннинг "Челси" жамоасини Жоржиньо тарк этди. У "Арсенал" билан шартнома имзолади. Бундан ташқари, клубда бошқа ярим ҳимоячиларнинг узоқ муддатли келажаги борасида ҳамон ноаниқлик борлиги хабар қилинган. Улар орасида НГоло Канте, Рубен Лофтус-Чик ва Конор Галлахер кабилар бор.
Ўз навбатида "Ливерпуль" ҳам мавсум давомида ўйинлари кўп маротаба саволлар туғдирган ярим ҳимоя чизиғини кучайтирмоқчи. Бундан ташқари, клубнинг уч нафар ярим ҳимоячиси – Неби Кейта, Алекс Окслейд-Чемберлен ва Жеймс Милнернинг шартномалари ёзда тугайди.
22 ёшли Ойан Сансет жорий мавсумда Бильбаонинг "Атлетик" клубининг асосий ўйинчисига айланган. Айни дамда испаниялик ярим ҳимоячи Ла Лиганинг 20та учрашувида 7та гол урди ва битта голли узатмани амалга оширди.
