"Chelsi" "Fiorentina"dan yarim himoyachi Sofyan Amrabatni ijaraga olishi mumkin edi.

Jurnalist Fabrisio Romano yozganidek, London klubi bu imkoniyatni "Benfika"dan Enso Fernandes transferi bo‘yicha kelishuv muvaffaqiyatsizlikka uchragan taqdirda transfer oynasining so‘nggi kunida kuchaytirish varianti sifatida ko‘rib chiqdi.

"Chelsi" va "Fiorentina" bu masalada bevosita aloqada bo‘lishdi, ammo italiyaliklar yarim himoyachini ijaraga qo‘yib yubormoqchi emasdi.

Qayd etilishicha, ko‘plab top-klublar Amrabatni kuzatib borishmoqda va uni kelajak maqsadi sifatida ko‘rishmoqda.

Joriy mavsumda 26 yoshli himoyachi klub safida barcha turnirlar doirasida 27 ta o‘yinda maydonga tushdi va 11 ta sariq kartochka oldi.