"Manchester Yunayted" Angliya Premyer-ligasida "Kristal Pelas"ga qarshi o‘yinda yarim himoyachisi Kazemironing olgan qizil kartochkasiga appelyasiya bermoqchi emas. Eslatib o‘tamiz, ikkinchi bo‘limda braziliyalik futbolchi "burgutlar" futbolchisi Uill Xyuzning tomog‘idan bo‘g‘ib oldi, shundan so‘ng unga qizil kartochka ko‘rsatildi.

Shu tariqa, Kazemiro diskvalifikasiya tufayli "Manchester Yunayted"ning APLdagi keyingi uchta o‘yinini o‘tkazib yuboradi. Kazemiro faoliyati davomida hech qachon to‘g‘ridan-to‘g‘ri qizil kartochka olmagan edi.

Joriy mavsumda yarim himoyachi Angliya Premyer-ligasida ikkita gol urdi va uchta golli uzatmani amalga oshirdi.