"Манчестер Юнайтед" Англия Премьер-лигасида "Кристал Пэлас"га қарши ўйинда ярим ҳимоячиси Каземиронинг олган қизил карточкасига аппеляция бермоқчи эмас. Эслатиб ўтамиз, иккинчи бўлимда бразилиялик футболчи "бургутлар" футболчиси Уилл Хьюзнинг томоғидан бўғиб олди, шундан сўнг унга қизил карточка кўрсатилди.

Шу тариқа, Каземиро дисквалификасия туфайли "Манчестер Юнайтед"нинг АПЛдаги кейинги учта ўйинини ўтказиб юборади. Каземиро фаолияти давомида ҳеч қачон тўғридан-тўғри қизил карточка олмаган эди.

Жорий мавсумда ярим ҳимоячи Англия Премьер-лигасида иккита гол урди ва учта голли узатмани амалга оширди.