"Barselona" yarim himoyachisi Serxio Busketsda karyerasini davom ettirish borasida bir nechta variantlari mavjud.
Xabar berib o‘tganimizdek, yozda "ko‘k-anorranglilar" sardori Saudiya Arabistoniga ko‘chib o‘tishi mumkin - u yerda shartnoma bo‘yicha o‘ta qulay moliyaviy shartlarni taklif qilib, "An-Nasr" va "Al-Hilol" futbolchini kutmoqda. Shuningdek, 34 yoshli yarim himoyachini MLS vakili bo‘lgan "Inter Mayami" jamoasi ham o‘z safida ko‘rmoqchi. Biroq, jurnalist Jordi Gilning so‘zlariga ko‘ra, "Barselona" Busketsning muddati tugaydigan shartnomasini uzaytirishi va yana bir mavsum klubda qolishiga ishonchi komil.
Serxio joriy mavsumdagi barcha musobaqalarda 27 ta o‘yinda bittadan golli uzatmani amalga oshirdi.
