"Барселона" ярим ҳимоячиси Серхио Бускетсда карьерасини давом эттириш борасида бир нечта вариантлари мавжуд.

Хабар бериб ўтганимиздек, ёзда "кўк-анорранглилар" сардори Саудия Арабистонига кўчиб ўтиши мумкин - у ерда шартнома бўйича ўта қулай молиявий шартларни таклиф қилиб, "Ан-Наср" ва "Ал-Ҳилол" футболчини кутмоқда. Шунингдек, 34 ёшли ярим ҳимоячини МЛС вакили бўлган "Интер Майами" жамоаси ҳам ўз сафида кўрмоқчи. Бироқ, журналист Жорди Гилнинг сўзларига кўра, "Барселона" Бускетснинг муддати тугайдиган шартномасини узайтириши ва яна бир мавсум клубда қолишига ишончи комил.

Серхио жорий мавсумдаги барча мусобақаларда 27 та ўйинда биттадан голли узатмани амалга оширди.