Xorvatiya terma jamoasining sobiq bosh murabbiyi Miroslav Chiro Blajevich 87 yoshida vafot etdi. Bu haqda Xorvatiya futbol ittifoqi (HNS) rasmiy sayti xabar bermoqda. Mutaxassis 88 yoshga to‘lishiga ikki kun qolganida olamdan o‘tdi. U 2011 yildan beri prostata saratoni bilan kurashib keldi.
1994–2000 yillarda Blajevich Xorvatiya terma jamoasi bosh murabbiyi bo‘lib, u bilan Yevro-1996 chorak finaliga qadar yetib borgan va 1998 yilgi Jahon chempionatida bronza medalini qo‘lga kiritgan.
Blajevich murabbiylik faoliyati davomida Eron, Shveysariya, Bosniya va Gersegovina terma jamoalarini, Xitoy yoshlar terma jamoasini ham boshqargan, Xorvatiya, Gresiya, Fransiya, Bosniya, Xitoy, Sloveniya, Eron klublarida ishlagan. 1982 yilda Zagrebning "Dinamo" jamoasi bilan 1982 yildi Yugoslaviya chempionatining birinchi oltin medalini olgan.