Doneskning "Shaxtyor" klubi va Ukraina terma jamoasi hujumchisi Daniil Sikan Turkiyada o‘tayotgan o‘quv-yig‘in mashg‘ulotlari paytida mehmonxonada rossiyalik fuqaro bilan mushtlashdi.

Yutubdagi "Vzbirna" kanaliga ko‘ra, rossiyalik sayyohlar ukrainalikni mehmonxonada tanigan va uning ortidan Rossiya Federasiyasini qo‘llab-quvvatlovchi iboralarni baqira boshlagan. Futbolchi bunga munosabat bildirgan va rossiyaliklardan birini tepgan, natijada rossiyalik fuqaro boshidan jarohat olgan.

Manbaning qayd etishicha, “Shaxtyor” vakillari mojaroli vaziyatni hal qila olgan.

21 yoshli hujumchi joriy mavsumda “qora-anorranglilar” safida 13 ta o‘yinda maydonga tushib, 6 ta gol urishga muvaffaq bo‘ldi.