Донецкнинг "Шахтёр" клуби ва Украина терма жамоаси ҳужумчиси Даниил Сикан Туркияда ўтаётган ўқув-йиғин машғулотлари пайтида меҳмонхонада россиялик фуқаро билан муштлашди.
Ютубдаги "Взбiрна" каналига кўра, россиялик сайёҳлар украиналикни меҳмонхонада таниган ва унинг ортидан Россия Федерациясини қўллаб-қувватловчи ибораларни бақира бошлаган. Футболчи бунга муносабат билдирган ва россияликлардан бирини тепган, натижада россиялик фуқаро бошидан жароҳат олган.
Манбанинг қайд этишича, “Шахтёр” вакиллари можароли вазиятни ҳал қила олган.
21 ёшли ҳужумчи жорий мавсумда “қора-анорранглилар” сафида 13 та ўйинда майдонга тушиб, 6 та гол уришга муваффақ бўлди.
