"Roma" yarim himoyachisi Nikolo Dzanyolo "Galatasaroy"ga o‘tdi. Bu haqda "Galatasaroy" klubi matbuot xizmati xabar berdi.

Yarim himoyachi to‘laqonli raqishda turk klubi futbolchisiga aylandi. U 2018 yilning yozida "bo‘rilar" safiga kelib qo‘shilgan bo‘lib, klub safida barcha musobaqalarda 128 ta o‘yin o‘tkazib, 24 ta gol urishga erishgan.

Eslatib o‘tamiz, qishki transfer oynasida Dzanyolo "Bornmut", "Milan", "Lids" va "Tottenxem"ga o‘tishi mumkin edi, biroq bu muzokaralar turli xil sabablarga ko‘ra amalga oshmay qoldi. Futbolchi “bo‘rilar” rahbariyati bilan mojaro tufayli jamoadan chetlatilgan va hatto rimliklar muxlislari tomonidan ham tahdidlarga uchragan. Turkiyada transfer oynasi 18 fevralgacha ochiq.

Nikolo Zaniolo joriy mavsumda “Roma” safida A Seriyada 13 ta o‘yinda maydonga tushib, bitta gol urdi va 4 ta sariq kartochka oldi.