«Tottenxem»ning sobiq bosh murabbiyi Xarri Rednapp Keynning yozda «shporlar» lagerini tark etishi haqidagi mish-mishlarga izoh berdi.
«Keyn istalgan klubga o‘tishi mumkin. Ammo bu uning o‘ziga kerakmi? Menimcha, Keyn Jerrardning izidan boradi.
Uni bir klubning eng kuchli futbolchisi sifatida bemalol ko‘raman. Agar u butun faoliyatini «Tottenxem»da o‘tkazsa, unchalik xafa bo‘lmaydi, bunga shubham yo‘q.
Gap sayyoramizning eng yaxshi markaziy hujumchisi haqida ketmoqda, u ajoyib va maydonda mutlaqo hamma narsani qila oladi.
U mehnatkash, u yetakchi, u har mavsumda ko‘p gol ura oladi, ikkinchi qavatda yaxshi o‘ynaydi, jamoadoshlariga assistentlik qiladi, u qolganlardan farq qiladi va jismonan kuchli», - dedi Rednapp.
