«Тоттенхэм»нинг собиқ бош мураббийи Харри Реднапп Кейннинг ёзда «шпорлар» лагерини тарк этиши ҳақидаги миш-мишларга изоҳ берди.

«Кейн исталган клубга ўтиши мумкин. Аммо бу унинг ўзига керакми? Менимча, Кейн Жеррарднинг изидан боради.

Уни бир клубнинг энг кучли футболчиси сифатида бемалол кўраман. Агар у бутун фаолиятини «Тоттенхэм»да ўтказса, унчалик хафа бўлмайди, бунга шубҳам йўқ.

Гап сайёрамизнинг энг яхши марказий ҳужумчиси ҳақида кетмоқда, у ажойиб ва ​​майдонда мутлақо ҳамма нарсани қила олади.

У меҳнаткаш, у етакчи, у ҳар мавсумда кўп гол ура олади, иккинчи қаватда яхши ўйнайди, жамоадошларига ассистентлик қилади, у қолганлардан фарқ қилади ва жисмонан кучли», - деди Реднапп.