Angliya terma jamoasi va Dortmundning «Borussiya» klubi yarim himoyachisi Jud Bellingem faoliyatini «Liverpul»da davom ettirmoqchi edi, ammo bu mavsumda Yurgen Kloppning natijalari uni bu yo‘ldan to‘xtatdi.
Sport1 xabariga ko‘ra, «qizillar»ning muvaffaqiyatsiz o‘yini tufayli yarim himoyachi yana bir mavsum Dortmundda qolishi mumkin. O‘z navbatida, klub bu variantga qarshi emas va Judga yangi shartnoma taklif qilib, uni jamoaning eng ko‘p maosh oluvchi futbolchisiga aylantirmoqchi.
Bellingem joriy mavsumda 18 o‘yinda 4 ta gol urdi va 4 ta golli uzatmani amalga oshirdi. 19 yoshli futbolchining «Borussiya» bilan shartnomasi 2025 yilgacha mo‘ljallangan va transfer narxi 110 million yevroga baholanmoqda.
