Англия терма жамоаси ва Дортмунднинг «Боруссия» клуби ярим ҳимоячиси Жуд Беллингем фаолиятини «Ливерпул»да давом эттирмоқчи эди, аммо бу мавсумда Юрген Клоппнинг натижалари уни бу йўлдан тўхтатди.
Sport1 хабарига кўра, «қизиллар»нинг муваффақиятсиз ўйини туфайли ярим ҳимоячи яна бир мавсум Дортмундда қолиши мумкин. Ўз навбатида, клуб бу вариантга қарши эмас ва Жудга янги шартнома таклиф қилиб, уни жамоанинг энг кўп маош олувчи футболчисига айлантирмоқчи.
Беллингем жорий мавсумда 18 ўйинда 4 та гол урди ва 4 та голли узатмани амалга оширди. 19 ёшли футболчининг «Боруссия» билан шартномаси 2025 йилгача мўлжалланган ва трансфер нархи 110 миллион еврога баҳоланмоқда.
