«Chelsi»ning sobiq futbolchisi Ernan Krespo «ko‘klar» yarim himoyachisi Enso Fernandes haqida gapirdi.

«Fernandes Makelele va Lempardning energiyasini birlashtiradi. U uzoq masofadan yaxshi zarba yo‘llaydi va gol urish instinktiga ega.

U turli pozisiyalarda o‘ynay oladi. Murabbiy sifatida men jamoada bir nechta pozisiyalarni yopadigan shunday futbolchi bo‘lishini istardim», - deya Kresponing so‘zlaridan iqtibos keltiradi Daily Mail.

Mutaxassisning fikricha, Fernandes futbol tarixidagi eng yaxshi yarim himoyachilardan biriga aylanishi mumkin.

Eslatib o‘tamiz, 22 yoshli argentinalik bu qishda «Benfika»dan 121 million yevro evaziga «Chelsi»ga o‘tgan edi. Joriy mavsumda Fernandes barcha musobaqalarda 30 ta o‘yinda 4 ta gol va 7 ta golli uzatmaga mualliflik qildi.