«Челси»нинг собиқ футболчиси Эрнан Креспо «кўклар» ярим ҳимоячиси Энцо Фернандес ҳақида гапирди.

«Фернандес Макелеле ва Лемпарднинг энергиясини бирлаштиради. У узоқ масофадан яхши зарба йўллайди ва гол уриш инстинктига эга.

У турли позицияларда ўйнай олади. Мураббий сифатида мен жамоада бир нечта позицияларни ёпадиган шундай футболчи бўлишини истардим», - дея Креспонинг сўзларидан иқтибос келтиради Daily Mail.

Мутахассиснинг фикрича, Фернандес футбол тарихидаги энг яхши ярим ҳимоячилардан бирига айланиши мумкин.

Эслатиб ўтамиз, 22 ёшли аргентиналик бу қишда «Бенфика»дан 121 миллион евро эвазига «Челси»га ўтган эди. Жорий мавсумда Фернандес барча мусобақаларда 30 та ўйинда 4 та гол ва 7 та голли узатмага муаллифлик қилди.