La Liga klublari Turkiyadagi zilzila qurbonlariga yordam berdi.

Ispaniya futbolida uzoq vaqt ishlab kelgan turkiyalik futbol agenti Bayram Tutumlu zilzila jabrdiydalariga yordam berish uchun aksiya olib bormoqda.

Uning tashabbusini Ispaniya chempionatining ko‘plab klublari qo‘llab-quvvatlab, yordam va hamkorlikni taklif qilishdi.

«Real Madrid» insonparvarlik yordamini ko‘rsatgan birinchi klublardan biri edi. Madridliklar qurbonlarga 20 042 dona kiyim-kechak yubordi: 3 733 ta kalta yengli futbolkalar, 3 440 ta uzun yengli futbolkalar, 398 ta boshqa turdagi futbolkalar, 879 ta shimlar, 419 ta paltolar, shuningdek, 2 108 ta ko‘ylak va 565 dona pidjaklar shular jumlasidandir. «Atletiko», «Sevilya» va «Xetafe» kabi klublar moliyaviy yordam ko‘rsatdi.

«Barselona», «Real Betis», «Valensiya», «Real Sosyedad», «Espanyol» va boshqa ko‘plab klublar ham yordam berishni taklif qilishdi.