Ла Лига клублари Туркиядаги зилзила қурбонларига ёрдам берди.

Испания футболида узоқ вақт ишлаб келган туркиялик футбол агенти Байрам Тутумлу зилзила жабрдийдаларига ёрдам бериш учун акция олиб бормоқда.

Унинг ташаббусини Испания чемпионатининг кўплаб клублари қўллаб-қувватлаб, ёрдам ва ҳамкорликни таклиф қилишди.

«Реал Мадрид» инсонпарварлик ёрдамини кўрсатган биринчи клублардан бири эди. Мадридликлар қурбонларга 20 042 дона кийим-кечак юборди: 3 733 та калта енгли футболкалар, 3 440 та узун енгли футболкалар, 398 та бошқа турдаги футболкалар, 879 та шимлар, 419 та пальтолар, шунингдек, 2 108 та кўйлак ва 565 дона пиджаклар шулар жумласидандир. «Атлетико», «Севилья» ва «Хетафе» каби клублар молиявий ёрдам кўрсатди.

«Барселона», «Реал Бетис», «Валенсия», «Реал Сосьедад», «Эспаньол» ва бошқа кўплаб клублар ҳам ёрдам беришни таклиф қилишди.