"Manchester Yunayted" hujumchisi Markus Reshford tez orada klub bilan yangi shartnoma imzolaydi.
Nufuzli manbalar Erik ten Xag va “qizil iblislar” rahbariyati jamoaning 25 yoshli yulduzi bilan uzoq muddatli shartnoma tuzish niyatida ekanliklarini bir necha bor eelon qilishgan. Give Me Sport xabariga ko‘ra, tomonlar o‘rtasida yaqin orada kelishuvga erishish mumkin.
Markus Reshford ushbu mavsumda "Manchester Yunayted" safida 33 ta o‘yinda maydonga tushib, 20 ta gol va 8 ta golli uzatmani amalga oshirdi. Uning amaldagi shartnomasi 2024 yilning yozida yakuniga yetadi.
