Ekvadorlik himoyachi Pyero Inkapye Leverkuzenning «Bayer» klubi bilan hamkorlikni uzaytirdi.

«Bayer»ning rasmiy saytida ma’lum qilinishicha, tomonlar o‘rtasidagi yangi shartnoma 2027 yilning o‘rtalarigacha hisoblangan.

Eslatib o‘tamiz, o‘tgan yili janubiy amerikalik futbolchining transferiga Sankt-Peterburgning «Zenit» klubi qiziqish bildirgandi.

21 yoshli himoyachi Leverkuzenda 2021 yilning avgustidan beri to‘p tepadi. Uning transfer narxi 25 million yevroga baholanmoqda.

Pyero joriy mavsum Bundesligada 18 ta o‘yinda maydonga tushib, 4 ta sariq va ikkita qizil kartochka oldi.