Эквадорлик ҳимоячи Пьеро Инкапье Леверкузеннинг «Байер» клуби билан ҳамкорликни узайтирди.
«Байер»нинг расмий сайтида маълум қилинишича, томонлар ўртасидаги янги шартнома 2027 йилнинг ўрталаригача ҳисобланган.
Эслатиб ўтамиз, ўтган йили жанубий америкалик футболчининг трансферига Санкт-Петербургнинг «Зенит» клуби қизиқиш билдирганди.
21 ёшли ҳимоячи Леверкузенда 2021 йилнинг августидан бери тўп тепади. Унинг трансфер нархи 25 миллион еврога баҳоланмоқда.
Пьеро жорий мавсум Бундеслигада 18 та ўйинда майдонга тушиб, 4 та сариқ ва иккита қизил карточка олди.
