Italiya chempionatining 22-turidan o‘rin olgan uchrashuvda "Napoli" turnir autsayderi "Kremoneze" bilan uchrashuvda raqib darvozasiga javobsiz uchta gol kiritdi.
"Inter"ning sobiq afsonaviy himoyachisi Juzeppe Bergomining fikricha, neapolliklar chempionatdagi peshqadamlikni qo‘ldan boy berishmaydi.
"Men nima demoqchiman? Men chempionatning nafaqat eng yaxshi hujumini, balki eng yaxshi himoyasini ham ko‘ryapman. Ular bu chempionatda ustunlik qiladi. Bu tasodif emas. "Napoli" bir necha yil davomida bu yo‘lni bosib o‘tdi, ular o‘tgan mavsumda chempionlikni qo‘lga kiritishlari mumkin edi", - dedi Bergomi.
Eslatib o‘tamiz, "Napoli" oxirgi marta 1990 yilda Italiya chempionligini qo‘lga kiritgan.
