Italiya chempionatining yigirma ikkinchi turidan o‘rin olgan uchrashuvda Turinning «Yuventus» jamoasi «Fiorentina»ni yagona gol evaziga mag‘lub etdi.
«Binafsharanglar» ustozi Vinchenso Italyano o‘yin natijalari haqida fikr bildirdi. Uning fikricha, jamoasi o‘yinning ayrim nuqtalarida e’tiborsizlik tufayli mag‘lub bo‘ldi.
«Doimiy ochko yo‘qotayotganimizni bugun yana bir bor ko‘rdim. Biz o‘yinni to‘g‘ri rejalashtirdik, yaxshi o‘ynadik, lekin yana e’tiborsizlik bizga to‘sqinlik qildi, shu sababli «Yuve»da imkoniyatlar ko‘proq bo‘ldi.
Albatta, bunday klubga qarshi o‘yinda nima bo‘lishini oldindan bilish qiyin. Yevrokuboklar zonasi bizdan uzoqlashmoqda, afsuski», - dedi mutaxassis.
