"Chelsi" markaziy himoyachisi Kalidu Kulibali yangi jamoasiga moslashishda hamon muammoga duch kelmoqda. Jurnalist Saymon Jonsonning fikricha, senegallik futbolchi hali ham Angliya Premyer-ligasiga moslasha olmayapti.
Biroq, agar manbaga ishonish kerak bo‘lsa, Kulibali o‘z kelajagi haqida ijobiy fikrda. Hozir Kalidu Londonda hayotdan zavqlanmoqda va hatto o‘ziga yangi uy topishni rejalashtirmoqda.
Eslatib o‘tamiz, Kulibali joriy mavsum boshlanishidan oldin "Napoli"dan "Chelsi"ga o‘tgan edi. Hozirda ayrim xabarlarga ko‘ra, unga "Inter" qiziqish bildirmoqda. "Neradzurrilar" Kulibalini Shkrinyar o‘rniga olib kelmoqchi.
