Ukrainalik yana bir tajribali futbolchi – Levan Arveladze to‘laqonli ravishda «Andijon» a’zosiga aylandi. Levan bilan 2 yillik shartnoma imzolandi.

Ukrainalik Arveladze “Andijon” bilan shartnoma imzolagach, klub matbuot xizmatiga taassurotlarini quyidagicha ifodaladi:

“Dastlab kutmagan edim. Menga jiddiy taklif bilan chiqishdi. Bu yerga kelib shartnoma tuzdik. Ancha ahil jamoa ekan. Futbolchilarning hammasi ajoyib.

Rahbariyatdan tortib o‘yinchilargacha bizni iliq kutib olishdi. Hayotimda yangi sahifa ochildi.

O‘zbekiston Osiyoda yetakchi o‘rinda turadi. Bu yerda bor mahoratimni ishga solib, jamoam g‘alabalariga o‘z hissamni qo‘shib, muxlislarni xursand qilamiz”, — deya fikr bildirdi Arveladze.

Bizning ma’lumot:
Levan Arveladze
Tug‘ilgan sanasi: 06.04.1993
Ampluasi: yarim himoyachi
Bo‘yi: 181
Vazni: 71 kg
Fuqaroligi: Ukraina
To‘p surgan klublari: “Dnepr” (Ukraina), “Krivbass” (Ukraina), “Skala” (Ukraina), “Agrobiznes-TSK” (Ukraina), “Neftyanik-Ukrneft” (Ukraina), “Zarya” (Ukraina), “Desna” (Ukraina), “Torpedo” Kutaisi (Gruziya).

"Andijon" matbuot xizmati.