Aleksandr Zinchenko ukrainalik qochqinlarga Angliyada futbol o‘ynashlariga yordam beradi.

The Athletic xabariga ko‘ra, avvalroq «Manchester Siti»da o‘ynagan «Arsenal» yarim himoyachisi olti nafar ukrainalik yoshlarning shahar akademiyasiga kirishiga yordam bergan.

Ulardan ba’zilari uning do‘stlarining farzandlari, boshqalari esa futbolchiga yordam so‘rab xabar yo‘llaganlarni tashkil etadi.

Aleksandrning xayriya jamg‘armasiga 1 million funt sterling yig‘ildi. Bu miqdor oshishi mumkin - Zinchenko va Andrey Shevchenko yozda «Arsenal» yoki «Chelsi» mezbonlik qiladigan xayriya o‘yinini o‘tkazishni rejalashtirmoqda.