Yevropa Chempionlar Ligasining 1/8 final dastlabki o‘yinida “Milan” o‘z uyida “Tottenhem”ni 1:0 hisobida mag‘lubiyatga uchratdi.

Bu milanliklar uchun so‘nggi o‘n yil ichida Chempionlar Ligasi pley-off bosqichida qo‘lga kiritilgan ilk g‘alaba bo‘ldi. Bundan avvalgi g‘alaba 2013 yilning 13 fevralida “Barselona”ga qarshi o‘yinda qayd etilgandi (2:0).

2013/14 yilgi mavsumda “Milan” 1/8 finalda “Atletiko”ga ikki o‘yinni ham boy bergan (0:1, 1:4). Shundan keyin jamoa guruh bosqichidan muvaffaqiyatli o‘tolmagandi.

“Milan” Yevrokuboklar tarixida ilk bor “Tottenhem”ni mag‘lub etdi. Bunga qadar ikki durang va ikki mag‘lubiyat qayd etilgandi.

Milanliklar hujumchisi Brahim Dias 2014 yildan beri “Milan” safida Chempionlar Ligasi pley-off bosqichida gol urgan dastlabki futbolchi bo‘ldi. 9 yil avval Kaka 1/8 finalda to‘p kiritishga erishgandi.

Italiya klubi APL jamoalari qarshi o‘yinlarda davom etib kelayotgan muvaffaqiyatsiz seriyasiga yakun yasadi. “Milan” oxirgi marta YECHL—2011/12 da “Arsenal”ni mag‘lub etgandi (4:0). Shundan keyin milanliklar ingliz klublariga qarshi beshta o‘yin o‘tkazib, ularning barchasida yutqazgan va kamida ikkitadan to‘p o‘tkazib yuborgan.

“Tottenhem” Chempionlar Ligasi pley-off bosqichida qatorasiga to‘rtta o‘yinni boy berdi. So‘nggi bor “Arsenal” 2016 va 2017 yil oralig‘ida shunday antirekord qayd etgandi. “Shporlar” pley-offdagi oxirgi to‘rtta o‘yinda birorta gol urolmadi.