"Barselona" o‘tgan yili Markos Alonsoni o‘z safiga qo‘shib olgandi. Himoyachi erkin agent sifatida "Chelsi"dan "Kamp Nou"ga ko‘chib o‘tdi. Shu bilan birga, hujumchi Pyer-Emerik Obameyang o‘sha kuni qarama-qarshi tomonga yo‘l oldi.

Markos Alonso yoshligida to‘p surgan Ispaniyaning "Union Adarve" klubi bu transferlar bir-biri bilan bog‘liq deb hisoblaydi. "Union Adarve" FIFA dasturi doirasida birdamlik to‘lovlarini olishni da’vo qilmoqda. AS xabariga ko‘ra, klub allaqachon tegishli shikoyatni to‘g‘ridan-to‘g‘ri FIFAga yuborgan.

"Union" Obameyangning "Barsa"dan "Chelsi"ga o‘tishi 12 million yevroga tushganidan shubhalanib, Alonso bu transferga qo‘shilganini iddao qilmoqda.