"Барселона" ўтган йили Маркос Алонсони ўз сафига қўшиб олганди. Ҳимоячи эркин агент сифатида "Челси"дан "Камп Ноу"га кўчиб ўтди. Шу билан бирга, ҳужумчи Пьер-Эмерик Обамеянг ўша куни қарама-қарши томонга йўл олди.
Маркос Алонсо ёшлигида тўп сурган Испаниянинг "Унион Адарве" клуби бу трансферлар бир-бири билан боғлиқ деб ҳисоблайди. "Унион Адарве" ФИФА дастури доирасида бирдамлик тўловларини олишни даъво қилмоқда. AS хабарига кўра, клуб аллақачон тегишли шикоятни тўғридан-тўғри ФИФАга юборган.
"Унион" Обамеянгнинг "Барса"дан "Челси"га ўтиши 12 миллион еврога тушганидан шубҳаланиб, Алонсо бу трансферга қўшилганини иддао қилмоқда.
