O‘z o‘quv-mashg‘ulot yig‘inini Turkiyaning Antalya shahrida olib borayotgan "Navbahor" jamoasi mazkur yig‘in doirasidagi so‘nggi nazorat – sinov bahsini bugun Rossiyaning yaqin o‘tmishdagi taniqli futbolchilaridan biri bo‘lgan Sergey Ignashevich boshqarayotgan “Baltika” (Rossiya,Kaliningrad) klubiga qarshi o‘tkazdi.

Mazkur o‘yinda “Navbahor” tarkibida quyidagi futbolchilar maydonga tushishdi: O‘tkir Yusupov, Davronbek Hoshimov, Igor Golban, Milosh Milovich, Luka Chermel, Oston O‘runov, Jamshid Iskanderov, Jamshid Boltaboyev, Yovan Jokich, Abrorbek Ismoilov, Temurxo‘ja Abduxoliqov.

Zaxiradan maydonga tushganlar: Ibrohim Yo‘ldoshev, Jasur Yaxshiboyev, Shohruz Norxonov.

Ushbu bellashuvda nursiz durang – 0:0 hisobi qayd etildi.

“Lochinlar”ning Turkiyadagi yig‘ini bugun o‘z yakuniga yetdi. Jamoa a’zolari ertaga yurtimizga qaytib kelishadi.