Ўз ўқув-машғулот йиғинини Туркиянинг Анталья шаҳрида олиб бораётган "Навбаҳор" жамоаси мазкур йиғин доирасидаги сўнгги назорат – синов баҳсини бугун Россиянинг яқин ўтмишдаги таниқли футболчиларидан бири бўлган Сергей Игнашевич бошқараётган “Балтика” (Россия,Калининград) клубига қарши ўтказди.

Мазкур ўйинда “Навбаҳор” таркибида қуйидаги футболчилар майдонга тушишди: Ўткир Юсупов, Давронбек Ҳошимов, Игорь Голбан, Милош Милович, Лука Чермель, Остон Ўрунов, Жамшид Искандеров, Жамшид Болтабоев, Йован Жокич, Аброрбек Исмоилов, Темурхўжа Абдухолиқов.

Захирадан майдонга тушганлар: Иброҳим Йўлдошев, Жасур Яхшибоев, Шоҳруз Норхонов.

Ушбу беллашувда нурсиз дуранг – 0:0 ҳисоби қайд этилди.

“Лочинлар”нинг Туркиядаги йиғини бугун ўз якунига етди. Жамоа аъзолари эртага юртимизга қайтиб келишади.