"Barselona"ning sobiq prezidenti Xosep Bartomeu matbuotga tarqalib ketgan ma’lumotlarga izoh berdi.
Avvalroq kataloniyaliklar Ispaniya La Ligasidan chetlatilishi mumkinligi haqida xabar tarqalgandi. "Ko‘k-anorranglilar" hakamlarga pora bergani isbotlansa, qattiq jazolanishi mumkin.
“Bu bema’ni va yolg‘on. Biz hakamlarga pora berganimiz yo‘q”, — dedi Bartomeu La Vanguardia bilan suhbatda.
Shuningdek, Xosep Bartomeu yashiradigan hech narsasi yo‘qligini, faqat xolis tanqidni qabul qilishga tayyorligini qo‘shimcha qildi.
