Yevropa ligasining 1/16 finali doirasidagi o‘yinda Angliyaning “Manchester Yunayted” jamoasi mehmonda Kataloniyaning “Barselona” jamoasi bilan durang o‘ynadi - 2:2. "Ko‘k-anorranglilar" bosh murabbiyi Xavi Ernandes uchrashuv haqida fikr bildirdi.
"Biz durangni emas, g‘alabani xohlagandik. Lekin bizga har tomonlama Yevropaning eng yaxshi klublaridan biri qarshilik ko‘rsatdi. Bu juda shiddatli o‘yin bo‘ldi, biz ko‘pincha ustunlik qildik va o‘ylaymanki, biz umuman yaxshi o‘ynadik va g‘alaba qozonishimiz ham mumkin edi. Men jamoa bilan faxrlanaman, chunki biz maydonda qo‘limizdan kelganini qildik", - deya Xavi Ernandesning so‘zlarini keltiradi "Barselona" matbuot xizmati.
