Европа лигасининг 1/16 финали доирасидаги ўйинда Англиянинг “Манчестер Юнайтед” жамоаси меҳмонда Каталониянинг “Барселона” жамоаси билан дуранг ўйнади - 2:2. "Кўк-анорранглилар" бош мураббийи Хави Эрнандес учрашув ҳақида фикр билдирди.
"Биз дурангни эмас, ғалабани хоҳлагандик. Лекин бизга ҳар томонлама Европанинг энг яхши клубларидан бири қаршилик кўрсатди. Бу жуда шиддатли ўйин бўлди, биз кўпинча устунлик қилдик ва ўйлайманки, биз умуман яхши ўйнадик ва ғалаба қозонишимиз ҳам мумкин эди. Мен жамоа билан фахрланаман, чунки биз майдонда қўлимиздан келганини қилдик", - дея Хави Эрнандеснинг сўзларини келтиради "Барселона" матбуот хизмати.
